Next airport, next entry

Sodeli... daaasmol hocki z ft. lauderdale am flughafe und warte ufe flüger wo mi zerscht uf Nashville und denn uf Vegas sell bringe... hoffe das klappet... 40min zum umstiige... das erinneret mi chli a flug vor 2 johr wo de jöne und ich z washington gstrandet sind... hoffe mer jetz eifach mol das dä cheib ke verspötig hed...

Jajaaaa... aber zerscht jetz mol zrugg luege... 8 täg Florida... Orlando... chillig... und extrem idrücklich im kennedy space center... wow... z gse wo die Mondmissione gstartet sind, oder wo die aktuelle ächte teili för d ISS gmacht wärdid... sehr sehr idrücklich und vor allem ned so touristisch wie alles andere do i de USA... die leggid wörkli no wärt druf das me öppis lehrt und mit uf de wäg öberchond...

Drum beni au ned is Disney, Universal oder Sea World... die huere Touri-Kacke hani mer eleige ned welle atue...
Sowieso frogi mi mängisch scho öber teil sache wo das Ami-Volk do macht... sie sind zwar offe und wissbegierig und gastfründlich und und und... aber uf de andere site daf me uf de Stross kei alkohol "offe" trinke... aber wenn d fläsche inere tüte inne isch und me ned gsed wases isch... de isch alles keis problem...
oder es anders Bispiel... Jede Könnt de Song "Sexy Bitch" vom David Guetta oder? Also do äne heisst dä "Sexy Chic" wel me anschinend Bitch im Radio ned daf säge :-) no geiler findi, das i de einte ziile wos heisst "...nothing you can compare to your neigbourhood hoe...(oder whore... wie au immer)" isch das hoe unterdrückt... Das find ich unglaublich und god us minere sicht z wit imene land wo vore döre d meinigsfreiheit so gross gschribe wird...

Jaja... aber so ischs halt... Das Land der Gegensätze wirds ja au gnennt... und geil findis trotzdem :-)

Witers im text...
Uuund jetz beni immerno voll im Strudel vo Miami... oder eigentlich ja Miami Beach... Läck du mir am tschöpli... die wo chli SMS kontakt mit mir gha hend wössid wies do abgange isch...
Eigentlich hani do ned welle öber schöni Fraue oder Nachtläbe schribe... aber Cheeeeeeeses! Gods do ab... S Hostel isch de Hammer gsi... Eifach 50% dütschi, was mim änglisch rächt gschadet hed, aber deför au sehr vel hammercooli Australier und Schwede... hihi Jede obe organisierti Trips zu bekannte clubs oder eifach geile Bars...
Be no keni 2h do gsi, de hend scho es paar e trip a strand gmacht zum de Geburi vonere Französin z fiire... beni halt au mit gange :-) am morge am 2 hends üs de vom Strand vertribe... geile afang...

Denn zwe öbe ide clubs... "Louis" und "Mansion" Clubs sind ja ned so speziell gsi... aber ebe... wie gseid... ich mueses glich säge... Läck du mir hed das Katze gha! Iiiiiiincredible!!! Was a dene öbe und au am letschte obe i irgend ere Bar abgange isch... (wo öbrigens geiler gsi isch als jede no so geil Club i de Schwiz) das hani no sälte erläbt...

So fertig party... Sightseeing hani natürlich au gmacht...
Key West... geil... chillig... 3h Autofahrt ab Miami... Sind de ganz tag omeglaufe... asträngend gsi... aber cool...

Everglades... au sehr idrücklich... und grad i zite vom BP-Ölteppich sehr sehr interessant...
Ha i es paar T-Shirt stores "Fuck BP" Shirts und ähnlichs gse...
Und wenn mer scho det gsi sind hemmer zum Abschluss au grad no e Portion Krokodil-Schwanz-Nuggets gno :-)

Isch öbrigens au no spannend, ha grad hött mitem Busfahrer e churzi Diskussion öber de Obama gha... Anschinend isch dä do i de USA de öberhaupt nöm so beliebt wie am afang... miech zwenig und schlimi sich zfescht bim Usland i... Spannend spannend...

So... zrugg zum Sightseeing... Am Strand beni natürlich au gsi... Türkisblaus wasser und jede menge Bikinis... ... ou sorry... ha doch nomol müesse zu dem zrugg cho :-)
Gester beni am obe es stündli a strand go jogge... Trotz de enorme Hitz ischs extrem geil gsi, das a somene Spot z mache... Wird also nur no vo mim Jogging-Adventure im Death Valley öbertroffe :-)
Vo de Stadt Miami sälber hani leider ned so vel gse... mues irgendwenn weder zrugg uf Florida cho und alles no chli gnauer aluege...

Jaja... und hött hani weder müesse abschied nä... einisch meh ischs mer schwär gfalle wäg z go vo all dene geniale lüt und mini Reis eleige fortzsetze... Aber anderersits ischs doch so geil, alli die Emotione z erläbe... d Fröid mit dene Lüt zäme z si, a es paar vo de geilste Plätz vo dere Wält, und au die andere... halt negative emotione wenn me witers mues... probiere ächt alles ufzsuuge und z konserviere... Die reis isch warschinlich s geilste und beschte und schönschte und atemberaubendschte woni je gmacht ha...

Jepp... und jetz gods ab uf vegas... "zum glück" nur zwe nächt... bruche nochär wedermol chli e Usgangs-Pause...

Sodeli... das isch gnueg för de moment... lade de z vegas no es paar föteli vo gester obe ufe... d Schwede hends eifach zu bunt tribe... das mues veröffentlicht wärde :-) und wenis scho ned uf Facebook ufelade, tuenis wenigstens do ine :-)

Also hey... hebids guet deheime, kämpfid üch dur de räge (öbers glaubid oder ned, das ha ich hött au müesse) und dänkid zwöschedöre a mi :-)

ah und no es special grüessli a Renzo wo hoffentlich nöm am Flughafe im Starbucks hocket ;-)

Peace out!
Luke

Nachtrag

Also ha das jetz eifach no schnell müesse schribe...
Ich be do z Orlando... es isch FUCKING HEISS! Und total Schräg... ich ha das Hostel gno wels do i de Umgäbig öppe s einzige isch wo sich Hostel nennt... aber eigentlich ischs meh es Motel... es vollkomme schrägs Motel... Läck hed daaas schrägi Lüt do...

Unter mim Bett isch no e Unterhose vo irgend eim gläge... De Strand isch eher e Sumpf... s Gebäude mit de Recepcion isch eher e Hütte wo ane Surf Shop irgendwo uf de Maledive erinneret... De Chef do isch de Aaron Paquette... e Asiat wo hött 3 mol s T-Shirt gwächslet hed (aber erscht am obe... wos eigentlich nöm so heiss isch)... woner (höchstpersönlich) isch cho de Zimmerservice mache ischer zerscht mol mitem Duftspray ine cho und hed alli näschter vorsorglich schön deftig ignäblet... :-)
Aber was wotti au erwarte för 19$ pro Nacht :-)

Die Lüt wo do sind... hend wörkli das Klischee-Bild vo de Schwiz woni dänkt ha dases niemer me hed... "aaah nice watches!" oder "ooooh Swiss Bancs" oder "swiss cheese!" Mann... und de Taxifahrer wo mi do äne gfahre hed... hahaha Das isch jetz scho de zwöit Typ gsi wo mer sini Sex-Abentür-Stories hed welle verzelle... (De letscht isch e bsoffne Bolivianer usem Hostel z NY gsi) "Once i hooked up with that chick... and we fucked the whole night long... it was so good... blah blah blah" Läck du mir! Gseni so us wie mi das wörd interessiere?

Wie erwartet... alles was noch New York chond isch halt eifach irgendwie ned guet gnueg :-)

ha grad entschiede dasi morn is Kennedy Space Center gone und denn de Sonntig im Pool verbringe... do gfindi garantiert niemert woni wörd zäme is Disneyworld oder Universal go... und eleige z go schisst mi a... hihi au guet... beni ömu richtig usgruet för Miami und Vegas :-)

So... guet nacht :-)

Durchatmen

Hallöle zusammen

Isch irgendwie bezeichnend dasi erscht do z Orlando weder zit gfinde zum de Blog update...

Läck isch das e intensivi zit gsi z New York... Weis gar nöm wo dasi ufghört ha, aber zämefassend chani säge, dasi no nie amne bessere Ort gsi be uf dere Kugele...

Die Stadt isch eifach unglaublich... Und ich ha soooo vel cooli Lüt troffe... E gruppe vo Franzose wo warschinlich jedes Trinkspiel uf dere Wält könnt... Pole, Dütschi, Brasilianer, Australier, Ängländer, Japander, Chinese, Neuseeländer und so witer und so fort... und natürlich sind au d New Yorker Lüt eifach genial... Egal wo me äne chond... die meiste sind sehr hilfsbereit, interessiert und "open minded"...

Lo jetz eifach d Bilder lo spräche...

Das isch e Skulptur wo zwösche de beide WTC-Towers gstande isch... irgendwie hed sie meh oder weniger öberläbt... stod jetz ganz zunterscht im Battery Park als Denkmal... Am Ground Zero sinds scho weder mächtig am baue... i öppe 5 Johr sell s nöie Gebäude fertig si...

Samstig @Pacha... Läck... ha jetz no s pfiffe i de ohre :-)

Chill out am Sonntig uf de Terrasse im 2. Stock... zerscht simmer 9 Lüt gsi... am schluss öppe 20... Hend probiert alli nationalhymne vo de awäsende Lüt z singe... hed ned ganz klappet... aber deför sur le pont d avignon... und so witer :-)

Ufem Dach vom Rockefeller Center...
Das isch die erst Station gsi vomene Marathon Tag... be insgesamt öppe 7h glaufe... aber hed sich sooo glohnt :-)

Next Stop Brooklyn Bridge...

Imne Pärkli grad am Fluss beni chli äne gsässe und ha d Ussicht uf die Atemberaubendi Skyline vo manhattan gnosse...

Nochär beni de öber d Brookyln Bridge zrugg glaufe...

Eichhörnli irgendwo imne Park Downtown... die cheibe sind zahm... nüd cha si verschrecke :-)

Noch de Eichhörnli beni bis abe a Zipfel glaufe und ha d Fähri nach Liberty Island gno... Au ganz idrücklich vor dere Statue z sto...

Nochdem i vo Liberty island zrugg gsi be, beni de nomol ufe glaufe bis Chinatown und ha det znacht gässe...

Eis glück dasis no bis zum Subway gschafft ha... mini Bei hend brutal weh gmacht und ha chum me chönne laufe...

Museum of natural history... Es riese Teil... be öppe 3h umegwanderet und ha no lang ned alles gse... Eifach müesam wel immer öberall lüt am fötele sind... isch ei Slalom-lauf gsi :-)

Shopping @SoHo mit de Franzose und em Pol... teilwiis heds grad abe grägnet... tja... was solls... :-)

Letschte obe... zerscht time square... eini hed gmeint ich gsäch us wie de Buzz Lightyear vo toy story... hed sich doch anerbotte grad schnell es verglichsföteli z mache...
Deför hani nochär de ganz obe im Buzz sine Lieblingsspruch müesse zum beste gä: "To infinity... and beyooond!"

Sicht uf Manhattan vo Booklyn us... äbefalls am letschte obe... I dem Momänt beni scho chli sentimental worde, weli realisiert ha dasi morn witers "mues"...

Abschiedsparty... Au de Brasilianer isch am nöchste Tag witers gfloge...

Will miss you guys!

Isch schön gsi, dasis de irgendwie no gschafft ha alli nomol z gse... d Franzose, die beide Australierinne, J de cool Brasilianer und au die beide coole schwizerinne woni au irgendwie gärn öbercho ha... ha bi jedem abschied scho chli müe gha aber es isch wies isch... abfahre... dör harlem richtig La Guardia...

Sicht uf Queens (oder ev. au d Bronx) usem Flüger...

Orlando im coming...



Jetz beni do... Imne Hostel Südlich vo Orlando... eigentlich scho e anderi Ortschaft... Kissimee... sprächid das mol uf änglisch us und sägid mer wasi ächt do am beschte sett mache? :-D

Nei... chille jetz hött no chli us und go de morn los... Entweder Cape Kennedy oder Sea World... mol luege :-)

Bis zum nöchste Itrag wönschi allne e ganz e gueti Zit und es schöns weekend :-)

Luke

Hey Gang...

Au hött hanis also weder gschafft äne z hocke und z schribe... Wasi immer meh z schätze weis, isch die Freiheit, ohni druck chönne z mache was me wott und niemer störts was me wenn wie macht :-)

So... wo simmer gester sto blibe? Bim Usgang richtig? :-)
De fömer doch jetz weder mit dem a...
Gester ischs i d Webster Hall gange. Lüt vom Hostel hend det gratis itritt gha... drum beni mit dene lüt mit... Zerscht simmer mit de U-Bahn weder zemli wit abe gfahre. Isch no schräg gsi... am tag hani e halbi ewigkeit gha und nochär fahrsch mit de U-Bahn i 20min glich wiit :-)
Bim Union Square simmer de use... irgend so e dütschi hed sich meini so druf gfröit, das sie de Lead öberno hed und alli hend "müesse" ihre hintenoche laufe... de hani de au usegfunde das doch tatsächlich no e zwöite schwizer debi isch :-) Zwar chli e schräge vogel... wases nebenbei bemerkt do im hostel rächt oft gid... läck heds do zum teil schrägi vögel hey! Chönnt e tag demit verbringe nur i dene zue z luege...
aber zrugg zu de Webster Hall...
Irgend einisch simmer de dinne gsi... hend chli d Floors abchecket uund so witer... mer hend usegfunde, das ufem einte Floor de Vodka lemon 9 Stutz choschtet und ufem andere nur 5... es witers Kapitel i de Gschicht "Typisch USA" :-) Hihi und wenn mer grad bim alkohol sind... hihi mer hend no e Brasilianer debi gha... eigentlich 19ni aber gfälschte Uswiis und FUSCHTDICK heders hinter de ohre gha... 1 Schluck alkohol und achtung, fertig LOS! Alles was bis de ned uf de Bäum gsi isch isch atanzet worde... Dä siech isch schlimmer gsi als de Hugu Bugu im Vollrusch :-) E riese Legände! :-) Isch rächt e coole obe worde und irgendwenn so um die 3 ha ich mich de abgseilet... Be no chli nordwärts glaufe weli no öppis z ässe ha welle bsorge... isch warschinlich ned sooo e gueti idee gsi :-) Irgendwo uf Höchi vom Flatiron Building isch mer eini entgäge cho und frogt mi so öb ich schnell ihre Nacke chöig aluege... sie heig det e Wunde... und hed welle wösse öb si tüüf isch... und öb ihri Nase no blüeti hed sie au no welle wösse... D nase hed nöme blüetet, aber de Cut am Nacke isch rächt deftig gsi...
Wie das Passiert isch hani ned usegfunde... welle wösse hanis eigentlich au ned... aber ich ha de mol schnell es Taxi äne gwunke und s ässe uf de nöchsti Tag verschobe :-)

Hött morge beni am 7ni scho weder ufgstande... am 8i isch schliesslich im Dave sini berüemti Downtown-Tour los gange... Dasmol simmer wörkli bis ganz zunderscht abe a Zipfel und hend scho mol e Blick uf d Freiheitsstatue gworfe... Dänke wirde de am mäntig d Fähre nä und das ganze chli nöcher aluege... Nochär simmer chrüz und quer dör downtown glaufe... und öppe all 20meter hemmer weder aghalte wel de Dave (ebe üse Guide) Weder hed müesse dörezelle... natürlich ned nur einisch... sondern 2-3 mol... und jedes mol ischer ufnes anders Resultat cho :-) Das vor allem wel s einte Spaniöggu Meitschi partout ned hed welle bi de Gruppe blibe und ständig weder irgendwo verlore gange isch... Isch sowieso e schrägi Gruppe gsi... chum öppis gredt oder gfrogt worde und weder heds so schrääääägi huere Vögu debi gha... Aber ich be au ned wäg de Lüt det gsi, sondern wäg de Tour, und die isch wörkli no cool gsi... Ganz vel Insider tips und anekdote und sehr vel inputs wasi no chönnt go nöcher aluege...
Uf de Liste stod ganz sicher au no d Brooklyn Bridge... häi isch scho idrücklich... und d Sicht vo det uf Manhattan mues genial si... Baui au i mini Mäntigs-Tour i :-)

För üs ischs de aber witer gange richtig ground zero... au das isch mega idrücklich gsi... Inere Chile grad näbedra hends so e art es Memorial Museum igrichtet... (för die wos mol gse hend, die Chile wo de Hag vore dra mit Bilder etc. vollkomme bedeckt gsi isch) Isch zwar alles extrem Ami-Patriotisch präsentiert gsi, aber trotzdem unglaublich idrücklich... Bsonders wel ich dä hag 5 Mönet noch de Aschläg sälber no gse ha... und wenn me de nochär hintere cho isch zum eigentliche Ground Zero ischs genau so idrücklich z gse was si wend drus mache... De Bau isch in vollem Gange und ich be gspannt wies usgsed weni s nöchste mol verbi chome :-)


Mir sind de nochär witer nordwärts richtig Tribeca und Soho... beides ganz schöni gägende und teilwiis so ruhig, das me fascht ned glaubt, das 2-3 Blocks entfärnt Ground Zero isch oder d Wall Street oder was au immer... Das isch sowieso extrem spannend a dem Teil vo de Stadt... innerhalb vo 2 Blocks cha s ganze Ussehe vo de Umgäbig wörkli drastisch ändere, und jedes Viertel hed sine ganz eiget Charme...

Um die 2 hani mi de Vo de Gruppe verabschiedet und ha d Subway zrugg is hostel gno... ha schliesslich die dütsche welle gse tschutte :-) Und nochär beni nomol chli go ligge... tami... ha es brutals Schlafmanko! 2 Nächt und insgesamt 10h Schlaf, kombiniert mit 2 Täg und 7h I de ganze Stadt omelaufe und SCHWITZE was das Zeug hält hed sine Tribut gforderet... morn machi genau nüd... Penne bis nüd me god, easy nöimet go zmörgele, vilicht no chli i Park go ligge und denn am 2 de Final luege... Es paar wend ines Pub i de Nöchi go... ich glaube ich schliesse mi de i dene a...

Aber zerscht gods jetz hött obe nomol i Usgang :-) Pacha isch agseid... öbs öppis gsi isch erfahrid ihr de morn :-)

Wönsche e gueti zit un bis gli :-)
Luke

Run Luki run!

Hey Heimat

Mit Blotere a de Füess vo dene blöde Flipflops hanis doch no weder zrugg is Hostel gschafft.
Und mage tatsächlich no schribe :-) Dänke grad a die Jungs wo i dem Momänt im Schützenhouse gas gänd :-) Hoffe ihr stossid mol uf mi a ;-)

Zerscht hani eigentlich gar nöm welle los weli müed gsi be... has mer am Tisch mit es paar Franzose und eme Ängländer gmüetlich gmacht gha und ha eigentlich nur schnell i lade uf de andere Strossesite welle go es Bierli hole... de hani die Lüt atroffe wo grad för d Pub Crawl gstartet sind und ha mi irgendwie lo öberrede mitzcho... hihi zum glöck beni mitgange :-)

Australier, Südafrikaner, Neuseeländer, Ängländer, Belgier, Amis... alles heds debi gha... Mer sind vo eim Pub us nöchste und öberall heds Bier för 2$ gä... die erschte sind scho nochem 2. Pub weder hei :-)
Ich be no chliiiiii länger blibe...
Wo mer am morge am 4i zum letschte Pub us cho sind hed mi de eint (isch glaubs e ängländer gsi) nur aglachet und seid zue mer: "youre a fucking legend man!" Warschinlich weli erscht am nomi am 3 glandet und 28h uf de Bei gsi be und trotzdem mit allne andere mitghalte ha... oder vilicht au us andere gründ ;-)

No am gliche obe hani de kurzerhand entschiede dasi hött tue usschlofe und so de Jetlag chli tue öberwinde... obwohls ned sooo schlimm gsi isch...

Hött morge hed mi de am 10ni de Zimmerservice gweck... ha mi de am au mol 11i zum näscht us gschwunge und be mol go luege was am obe so lauft... Ha mi de för Irgendöppis mit Webster Hall igschribe... Wie das gsi isch schribi de morn...

Nochär hani es kafi gno und öberleid wasi mit dem tag no mache... ha eigentlich ned so möge und mi entschiede ich chönnt ja chli go d Nachbarschaft aluege...
Also kurzerhand de Rucksack packt und be los richtig süde...  denn weste... de beni meh oder weniger "zuefällig" a Central Park äne glaufe und ha dänkt... ja weni scho do be, de chönnti ja dä mol chli go aluege... also beni mol chli im Park omenand glaufe... ha mi immer chli richtig südoste orientiert...

Irgendwenn isch denn halt dä park fertig gsi, und ich ha dänkt... ja weni scho do be, de chönnti ja no chli witer d stadt dörab... ich chli witer glaufe... bis i denn irgendwenn gmerkt ha, dasi gar ned südwärts, ostwärts laufe... be grad so uf höci 3rd avenue gsi... und ha dänkt... ja jetz beni so wit cho, jetz muesi aber glich no chli südwärts laufe...
also beni de doch no gen süden glaufe... ha mol chli d avenue gwächslet... d lexington isch no cool, det heds vel lüt...
Und irgendwenn hani de plötzlich s Chrysler Building gse use stäche, und wel das mis Lieblingsgebäude i de ganze stadt isch hani dänkt... ja weni scho so wit cho be, de chönnti ja au no chli nöcher äne go... also beni glaufe und witer glaufe, es paar föteli gmacht... und dänkt aso wenn s Chrysler Building do stod isch s Empire State au ned wit wäg... be drum mol öbere uf d 5th Avenue glaufe und peng... Staaaat doch daaaa e Kiosk!!! Hihi nei... natürlich s Empire State isch det gstande... und ich ha so dänkt... ja weni scho so wit cho be, de chönnti eigentlich au grad no det uf d Plattform ufe... also beni witer glaufe... und ine, Zerscht uf de "Skyride" sone Virtuelle Flug öber NY... das hend alli müesse mache wo ufs Dach hend welle... huere kack gsi... aber was solls... Nochär witer, 1. Lift ufe... öberall chli asto... öberall stönd lüt wo ständig ihri Sätzli wederholid... do müender döre, det müender warte, do chönder zahle... und so witer... die machid de ganz tag nüd anders als det sto und d lüt iwiise... öppis USA-typischers als das gids för mich ned... es isch unglaublich wie vel vo dene Lüt die hend... die hend för alles en Iwiiser wo de ganz tag nüd anders macht als sis sätzli abeliire... immer und immer und immer weder... s hed sogar e Fotograf gha wo nüd anders gseid hed als: "OK? Cheeeeeeese!" meh ned... de ganz tag... DE GANZ TAG! Unglaublich :-) aber was solls...

ha mi also dör alli iwiiser döre schlänglet und be de ändlich im 86te Stock acho... und ich säge üch... das lohnt sich halt scho wie nüd anders... Dä Usblick isch eifach Atemberaubend und me fühlt sich wörkli wie wenn me öber de Stadt wörd schwebe... Das ständige Ruusche, gmischt mit Polizeisirene und Autohuupi hani söscht no nienet uf de Wält ghört... Das isch eifach typisch New York... Be öppe 1h uf de Plattform gsi und a Probiert ganz bewusst e tüüfe Zug vo dem Spirit z nä...
Nochär beni weder abe und es isch wörkli wie es Itauche nochdem me vom Sprungbrätt gumpet isch... Öberall Lüt, Autos und wo witer... die Stadt Pulsiert... alli sind unterwägs... eifach Genial :-)

Useme Speziergang dör d Nachbarschaft isch e Monsterwanderig dör die halb Stadt worde :-) Und jede Schritt hed sich meh als glohnt :-) aber ebe... be de langsam müed gsi und nochere Verpflegig im Starbucks hani es Taxi zrugg is Hostel gno... Jetz goni de schnell go ligge und nochär machi mi för de Usgang fertig... Wird sicher weder lustig... hend sich mega vel lüt agmäldet...

Und morn machi de e Downtown Tour mit es paar Hostel Kollege...

Ihr ghörid morn weder vo mir :-)
Hebids guet und bis gli...

Luki Gump

Lets get it started...

Hey fellas...

Ha dänkt ich schribe no schnell do ine bevors de witers a Pub Crawl god :-)

Häi... isch e turbulänti Reis gsi... und e witzigi...
Zerscht verpennt... tami! Am morge am 3 nochdem alles Packt und s Partyfolk Video gschnitte gsi isch s Iphone igsteckt und lo aktualisiere... und go penne... das letschte stündli Schlaf hani mer schliesslich ned welle lo entgo...
Wasi ned gwösst ha isch gsi, dass das cheibe öpfu-telefon nocheme Update sperrt und me zerscht weder mues aktiviere... und dases bis denn kei Pieps vo sich gid...

Ok egal... uf de Zug gstresst, trotzdem easy 75min vorem Start det gsi... Icheckt... z schwäre koffer häiäiäi... wie machi de das erscht bim hei cho? Oder bim witerreise uf Orlando? Mues tatsächlich no e 2. Koffer go kaufe...
ok 150.- abtugget und ab vors Gate, und ab denn isch de alles chli smoother glaufe...
S Geilste isch ja gsi, das mer GENAU aber wörkli GANZ GENAU öber Dagmerselle ine gfloge sind...
Ha glaub sogar d Partyfolk-Arena gse :-) läck isch die Schwiz chlii us es paar Kilometer höchi...

Z Genf beni zwöscheglandet und gli weder i de Luft gsi... isch scho es rächt schrägs gfühl gsi... ganz elei d Schwiz z verlo, aber woni mer vorgstellt ha dasi i öppe 8h öber d Brooklyn Bridge ine fahre ischs de plötzlich rächt geil gsi :-)

Im Flüger hani de Joseph, oder öbersetzt de Sepp könneglehrt... de Sepp isch e 2 Jährige Ami/Mexikaner-Bueb wo sim Mami de ganz Flug hindurch, hintere und vöre im Flugzüg devo gsecklet isch... Söscht hanis mit mim Französische Sitznachber eigentlich rächt guet troffe gha...

Jaaa und jetz beni do... i de geilste Stadt vo de Wält... am nordwestliche Zipfel vom Central Park... Scho es paar Wort mitem Koreanische Zimmergenosse ustuschet... es Pfüüsli gmacht und jetz machi mi de Ready för alles was no chond :-)

Fröie mi scho uf morn... Wasi gnau mache weisi nonig... ich glaube si machid do vom Hostel us e Tour dör d Bronx... wär glaubs no sehenswärt...

Also... haltet die Ohren Steif und bis gli...

Schlukinho